Encordass é un encontro musical para adultos, onde se combinan aulas de instrumento con concertos e obradoiros. Trátase dunha experiencia única construída dende a convivencia e o intercambio cultural no que cada edición está adicada á música popular dun país ou rexión.
Está destinado principalmente a instrumentistas de corda (violín, viola, chelo, contrabaixo, guitarra, zanfona), aínda que existen diferentes modalidades de participación, sendo posible asistir con outros instrumentos melódicos, harmónicos, ou de percusión, xa que as aulas non son de técnica, se non de estilo, aprendizaxe de melodías e preparación do concertó final. Así mesmo existe a posibilidade de disfrutar deste encontró como ouvinte/acompañante*
As aulas de instrumento, no caso do violín, establécense por niveis de repentización auditiva. Nos outros instrumentos haberá un único nivel, combinando as aulas de instrumento con outras de harmonía, improvisación, orquestra ou percusión. Os obradoiros impartidos por mestres do país invitado, así como o resto de obradoiros de danza, percusión, gastronomía, etc. son destinadas a tódolos participantes.
O repertorio traballado durante o curso representarase nun concerto final aberto ao público, que será de participación voluntaria.
Encordass celébrase durante a primeira fin de semana de xullo na Illa de San Simón, e inclúe aloxamento e pensión completa. A idade mínima para participar no Encordass é de 18 anos**.
As prazas cubriranse por rigurosa orde de inscrición no momento en que a matrícula sexa formalizada.
* Opción dispoñible únicamente para socios de Galicia Fiddle. (A inscrición como socio de GF supón a permanencia mínima dun ano. Consulta as ventaxas de asociarte en galiciafiddle.com)
** Os menores que desexen participar terán que facelo titorizados por unha persoa maior de idade e con consentemento asinado polos seus proxenitores.